Pronóstiko di tempu pa Kòrsou i bisindario bálido te djárason mainta 06:00 o.l., 13 di yüni 2024.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 13 di yüni 2024.
Kompilá: djárason 12 di yüni 2024, 05:00 o.l. 09:00 UTC).

KODIGO HEL: UN MENSAHE DI PREKOUSHON PA LAMAN BRUTU TA NA VIGOR PA KOSTA NORT I OST

Tempu: Por lo general parsialmente nublá i seku awe nochi. Djárason mardugá i mainta lo tin un bon chèns pa awa kai posiblemente kompaña pa welek i bos.

Temperatura máksimo lo alkansá 30ºC i temperatura mínimo 26ºC.
Solo ta sali 06:11 i ta baha 19:01 o.l.

Bientu: For di ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga, de bes en kuando fuerte te posiblemente duru; forsa 6 te 7 (40 te 61 km/ora, 22 te 33 nudo).

Situashon general:Humedat dilanti di un ola tropikal moviendo wèst por laga awa kai riba e isla durante awe mainta. Awaseru asosiá ku e ola lo kuminsá afektá e tempu riba i rondó di e isla. Despues, un átmosfera stabil lo establesé riba e region Sur Karibense durante e oranan ku ta sigui i lo sòru pa un kondishon di wer seku. Tambe un preshon haltu relativamente fuerte riba Atlántiko lo generá bientunan fuerte i laman un poko haltu durante e siguiente par di dianan.

Kondishon di laman: Moderá te un poko brutu ku altura di olanan entre 1 i 2.5 meter (3 i 8 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djaweps mainta: Shelu lo ta parsialmente nublá ku wer generalmente seku.

Meteorólogo: Abraham