Ladronisia di lusnan LED na vèlt di Pinchingolo

WILLEMSTAD – Na febrüari último a firma e kontrakt di inisio di e proyekto: instalashon di lusnan LED na Buena Vista Bòlpark. Esaki tabata riba inisiativa di Minister enkargá ku Deporte sr. Sithree van Heydoorn ku sosten di Promé Minister sr. Gilmar Pisas pa pone lusnan LED pa Buena Vista Bòlpark na vèlt di Pinchingolo. Gobièrnu, RDK, kontratista Energy & Water Savers i FUKODEP a firma akuerdo pa traha huntu riba e proyekto aki.
Ayera a kuminsá ku instalashon di e promé 9 lusnan LED i awe lo a kontinuá. Pero awe mainta a konstatá ku den anochi a hòrta tur e sobra 21 lusnan. Minister Sithree van Heydoorn ta hasi un apelashon na pueblo di Kòrsou pa yuda kuerpo polisial ku tur informashon. Na mes momentu Minister ta pidi esunnan ku a kue e lusnan pa entregá na bèk òf pone nan un kaminda i indiká na unda nan ta.