Toezicht & Handhaving di Ministerio di GMN ta risibí di forma ofisial nan vehíkulonan di trabou   

Toezicht & Handhaving di Ministerio di GMN ta risibí di forma ofisial nan vehíkulonan di trabou

Willemstad –  Den luna di yanüari di e aña aki, Minister Presidènt enkargá ku Agrikultura, Medio Ambiente i Naturalesa señor Gilmar Pisas a instalá un tim di Toezicht & Handhaving pa atendé entre otro kehonan ambiental ku ta keda registrá na Ministerio di GMN. Djaweps último durante un enkuentro ameno a hasi entrega ofisial di  tres vehíkulo na e departamentu.

Minister Pisas durante su diskurso a splika ku e ta satisfecho ku a instalá e tim pa atendé ku kehonan i situashonnan ku ta for di òrdu. A sòru pa e tim risibí tur material nesesario pa por ehersé e trabou di forma optimal. Despues ku Pastor Jose Luis a bendishoná e vehíkulonan, Minister Pisas i Sekretario General di Ministerio di GMN señor Sharlon Melfor di forma simbóliko a pone plachi di number riba e vehíkulonan.