Mas detenshon den kaso di atrako ku morto na Reigerweg


KOMUNIKADO DI PRENSA 278/2024
18 yüni 2024
Mas detenshon den kaso di atrako ku morto na Reigerweg
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Den kuadro di investigashon den e kaso di atrako ku morto ku a tuma lugá dia 31 di mei
último na Reigerweg, Polis a hasi e di kuater detenshon.
Djaluna dia 17 di yüni 2024 alrededor di 13.33’or, reshèrshinan ku ta investigando e kaso
aki a detené e hòmber A.H.F. di 19 aña di edat nase na Kòrsou na S.D.K.K.
E sospechoso ya kaba ta detené pa un otro kaso di asesinato ku a tuma lugá na aña 2023
den área di Otrobanda (Komunikadonan di Prensa 454/2023 i 261/2024).
A presentá e sospechoso dilanti di un fiskal ouksiliar ku a ordená ku e ta kontinuá enkarselá
pendiente di mas investigashon.
