KOMUNIKADO DI KUERPO POLISIAL KÒRSOU: Aksidente di tráfiko ku morto.

 

 

KOMUNIKADO DI PRENSA 043 /2022
25 yanüari 2022
Aksidente di tráfiko ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 25 di yanüari 2022 alrededor di 18.09’or, Sentral di Polis a risibí notifikashon ku un
aksidente ku herido a tuma lugá riba Kaminda George Willems
Na yegada di e unidat polisial, nan a bin topa ku un aksidente entre dos vehíkulo.
For di investigashon preliminar ku polis a realisá na e sítio a sali na kla ku e vehíkulo den kua
e dama víktima tabata kore, tabata bini for di Ronde Klip direkshon Brievengat. Den e
último bogt riba Kaminda George Willems probablemente dor di velosidat haltu, e la pèrdè
kontrol i bai dal kontra un otro vehíkulo ku tabata bini di direkshon kontrali. Dor di e
impakto e vehíkulo a bòltu i e víktima su kabes a resultá bou di e vehíkulo.
Personal di ambulans ku a presentá na e sitio no por a hasi nada mas pa e víktima ku a
fayesé na e sitio mes.
E okupante di e otro vehíkulo, ku tambe a sufri herida, a keda transportá ku ambulans pa
sala di emergensia di C.M.C.
Dòkter di polis a konstatá morto di e dama.
Debí ku famianan no a keda notifiká ainda, no por duna identidat di e víktima ku a fayesé
liber.
Departamentu di Tráfiko ta kontinuá ku e investigashon.