KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

Mayoria miembronan di FFK a tuma posishon 

Durante un reunion ayera

Mayoria miembronan di FFK a tuma posishon 

 

Brievengat: Ayera nochi mayoria miembronan afiliá na Federashon Futbòl Kòrsou a reuní pa asina interkambiá ku otro riba e último desaroyonan den nos futbòl pa asina tuma posishon i tambe interkambiá riba futuro di FFK.

 

Tabata un reunion ameno kaminda a konta ku gran mayoria di miembronan di FFK. Un di e tópikonan ku tabatin ta entre otro e posishon i aktitut di señor Ramiro Griffith kual a keda destituí komo presidente di FFK durante un reunion general dia 31 di mei último.

 

Tambe miembronan a papia riba diskrepanshanan ku tin den e statuto nobo, klaridatnan ku mester buska i tambe riba e ruta ku mester kana, pa yega na elekshon fin di jüly próksimo. Durante e reunion, miembronan a hasi un sondeo pa wak ken ta aspirá pa puestonan den direktiva, pa visa presidente i tambe presidente.

 

Enkonekshon ku esaki miembronan a lanta un komishon enkargá pa bin ku kriterianan ku nan ke mira den miembronan ku ta aspirá pa drenta e direktiva nobo.

 

Diferente nòmber a bin dilanti durante e reunion i miembronan ku tabata presente ku ta aspirá pa drenta den e direktiva nobo, a duná di konosé esaki. Naturalmente tur miembro otro ku no tabata presente ayera i ku tin interes, ta bon bini.

 

Pa e puestonan den e direktiva a presentá nòmber di diferente kandidato ku den e próksimo dianan lo keda konkretisá. Enkonekshon ku e reunion general ku direktiva di FFK a konvoká dia 25 di yüni prókimo, miembronan a yega na e konklushon ku nan lo asistí na e reunion aki. Tabatin diferente interkambio riba e punto aki, pero mirando e meta primordial kual ta pa yega elekshon, miembro a konkluí ku ta importante pa akudí na e reunion aki i ke motivá tur otro miembro afiliá tambe pa hasi esaki.

 

Leave a Reply

This site uses Akismet to reduce spam. Learn how your comment data is processed.