CBCS ta publiká Guia pa Maneho Adekuá di Riesgo Operashonal

CBCS ta publiká Guia pa Maneho Adekuá di Riesgo Operashonal

WILLEMSTAD/PHILIPSBURG – Resientemente, Centrale Bank van Curaçao en Sint Maarten
(CBCS) a publiká su guia pa maneho adekuá di riesgo operashonal, na ingles: Guideline for the
Sound Management of Operational Risk. E Guia akí lo yuda tur e entidatnan regulá pa identifiká,
midi i, na un manera proaktivo, manehá, monitoriá i mitigá riesgo operashonal. Tur e entidatnan
regulá tin obligashon di sigui e Guia akí i kumpli kuné den nan operashon diario.
E dokumento Guideline for the Sound Management of Operational Risk ta basá prinsipalmente
riba e asina yamá Principles for the sound management of operational risk stipulá pa Basel
Committee on Banking Supervision (BCBCS)1 i riba Insurance Core Principles and Common
Framework for the Supervision of the Internationally Active Insurance Groups stipulá pa
International Association of Insurance Supervisors (IAIS)2. E guia akí lo sirbi komo base pa un mihó
maneho di riesgo operashonal i pa por evaluá mihó si un instituto su kapital ta sufisiente en bista
di su riesgonan operashonal spesífiko.
A tene konsulta ku e organisashonnan representativo di sektor di krédito, seguro, trust i fondo di
penshun tokante e Guia, loke a hiba na deliberashon i reakshon konstruktivo.
E entidatnan regulá tin un aña di tempu pa dal e pasonan nesesario pa kumpli ku e normanan
stipulá den e dokumento. Despues di esei, e Guia lo bira un ‘algemeen verbindend voorschrift’ (un
instrukshon general obligatorio).
E Guia ta riba wèpsait di CBCS i ta disponibel via e siguiente lenk:
https://www.centralbank.cw/legislation-guidelines/credit-institutions/guidelines.
Willemstad, 1 di yüli 2024
CENTRALE BANK VAN CURAÇAO EN SINT MAARTEN