Detenshon pa violashon di lei di arma di kandela

KOMUNIKADO DI PRENSA 314/2024
14 yüli 2024
Detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Durante di patruyahe djadumingu 14 di yüli 2024 alrededor di 02.00’or, dos unidat di U.S.T.
a tuma nota di un vehíkulo ku tabata kore sospechoso riba Schottegatweg-West.
E hòmber ku tabata manehá e vehíkulo aki a bira hopi nervioso i kuminsá aktua sospechoso
na momentu ku el a tuma nota ku polis tabata kore den su banda.
Dado momento el a para su vehíkulo riba kaya i e unidatnan a aserk’é pa wak kiko tabata
pasando.
Nan a tuma nota ku e hòmber a trata di skonde algu tras di e stul riba kua e tabata sinta.
Durante di kontròl, polis a bin topa un arma di kandela, ku a keda konfiská.
Inmediatamente a detené e hòmber J.M.R.D. di 29 aña di edat nasé na Kòrsou pa
violashon di lei di arma di kandela.
E vehíkulo tambe a keda konfiská.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
