Detenshon pa violashon di lei di arma di kandela

KOMUNIKADO DI PRENSA 313/2024
14 yüli 2024
Detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Durante di patruyahe djadumingu 14 di yüli 2024 alrededor di 00.00’or, dos unidat di U.S.T.
a tuma nota di un vehíkulo sospechoso den Breedestraat (O) na altura di un restorant
chines.
Na momentu ku e shofùr maskulino a tuma nota di presensia di outoridat, el a trata na kore
bai, pero e unidatnan a logra par’é.
Durante di un kontròl den e vehíkulo, polis a topa un revòlver i den un tas tabatin 5 bala
skèrpi.
Mesora a konfiská e arma, munishon i outo i a detené e hòmber D.H.H. di 43 aña di edat
nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
