Hayasgo di droga i kurpa sin bida na Aruba
Hayasgo di droga i kurpa sin bida na Aruba
Un grupo di persona indokumentá a sali Venezuela pa bai Aruba. A bira konosí ku no ta e grupo kompletu a yega tera i famianan na Venezuela a notifiká outoridatnan na Aruba.
Tin indikashon ku enberdat un boto ku tabata transportá persona i droga a yega kosta di Aruba.
Djabièrnè e Personal di Wardakosta i kuerpo polisial a logra konfiská algun bultu di droga. Sinembargo no a enkontrá persona indokumentá.
Djasabra suidadanonan atento a tuma nota di hende ku tabata kana di forma sospechoso den area di Vaderpiet na altura di e molinanan di bientu i a notifiká outoridatnan di esaki. Agentenan polisial ku a akudí na e sitio a enkontrá un persona ku tabata hasi intento pa dera un kurpa sin bida. E persona aki a keda detené i presentá dilanti di subfiscal ku a duna ordu pa su enkarselashon. Na e sitio a inisiá un buskeda pa mira si tabata tin mas kurpa.
E investigashon ta kontinuá.


639114718427035"
639114718427035"