Union Deportivo Tera Kòrá ta habri vakatura pa postula komo miembro di Direktiva

 

Union Deportivo Tera Kòrá ta habri vakatura pa postula komo miembro di Direktiva

Curaçao, 21 juli 2024.

Union Deportivo Tera Kòrá ta habri vakatura pa personanan interesa, entusiasma i komprometí
ku ke yuda i/o sostene nos hubentut di e bario di Tera Kòrái bisendario i alabes fungi komo
“ Lider” pa ku nos organisashon den su totalidat.

Tokante nos:
Union Deportivo Tera Kòráta un organisashon soshal – deportivo funda for di 6 februari 1957 ku
ta speshalisa su mes pa yuda hobennan di e bario di Tera Kòrá i bisendario desaroya nan talento
den e disiplina di “futbol”. Durante ultimo 20 añanan aki nos a sa di logra diferente premio den e
disiplina aki tantu na nivel hubenil komo na nivel di senior. Ta nos intenshon pa oumenta e
logronan aki muchu mas poniendo nos vishon i mishon pa ku nos organisashon dilanti. Nos meta
ta pa kreá un ambiente positivo, agradabel i sigur pa nos hobennan por krese, siña i desaroyá nan
talento futbolistiko den un forma ehemplar pa nos bario i nos komunidat den su totalidat.

Kiko nos ta buska: Nos ta buska miembro(nan) di direktiva ku:
• Tin pasenshi p’e disiplina di futbol i desaroyo positivo di nos hubentut;
• Ta dispuesto pa invertí tempu i energia den nos organisashon;
• Tin bon abilidat di komunikashon, komprendimentu di reglanan, ta integro;
• Tin un aktitut proaktivo i orientá riba trabou di ekipo;
• Tin un disiplina propio, serbisial, interesa pa siña i progresa, honesto i karakter pasivo;

Kiko nos ta ofesé:
• Oportunidat pa desaroyá bo abilidat di liderato i maneho;
• Oportunidat pa hasi un impakto positivo i ehemplar riba nos hubentut i nos komunidat;
• Oportunidat pa sera kontaktonan lokal i internashonal den e deporte di futbol;
• Oportunidat pa traha ku hende importante den deporte i komunidat;
• Oportunidat pa haña (mas) eksperensia den trabou di direktiva i liderato;
• Oportunidat pa traha ku un ekipo motivá i dedika di boluntarionan profeshonal;
• Oportunidat pa partisipa na training i workshop nan relevante pa trabounan di un
dirigente deportivo;
• Entrada liber na aktividatnan ku nos organisashon ta partisipa aden;

Tin interes?
Nos ta pidi tur hende ku tin interes pa presentá nan mes komo kandidato pa un posishon den e
direktiva di nos organisashon pa manda un karta di motivashon kortiku via nos mail na
uniondeportivo@ffk.cw huntu ku bo identifikashon balido i nos lo tuma kontakto ku bo.
Tambe bo por tuma kontakto ku nos Presidente, sr. Eligio Boy Koeyers na telefon 864-9032 of
523-5742 pasina bo por risibi mas informashon tokante e proseso aki.

Un biaha mas danki pa boso koperashon i nos ta keda pendiente inskripshon di kandidatonan
interesa pa forma parti di nos direktiva di Union Deportivo Tera Kora.

Atentamente,
Na nomber di direktiva di Union Deportivo Tera Kora

E. Koeyers W. Isabella
Presidente Tesorero