KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

OUMENTO DI SÈN PA PAÑA DI SKOL (KLEDINGGELD)!

OUMENTO DI SÈN PA PAÑA DI SKOL

(KLEDINGGELD)!

Willemstad- pa medio di e komunikado aki Minister di Desaroyo Soshal, Labor i Bienestar sra. Ruthmilda Larmonie-Cecilia, kier informá tur kobradó di ònderstant ku sèn pa paña di skol (Kledinggeld) lo keda oumentá ku Nafl.100,= entrante yüli 2024. E kobradó di ònderstant lo risibí pa kada yu Nafl. 200,= den kinsena 16/2024 (fecha di pago dia 26 yüli 2024).

Personanan ku tin un entrada te ku sueldo mínimo, por pasa entrante
01 ougustus 2024 na e kas di Bario konserní pa hasi nan petishon.

 

Ken por bini na remarke pa sèn pa paña di skol:

  • Yu di mayor o tutor ku ta kobra ònderstant òf tin un entrada bou di sueldo mínimo;
  • Yu mester ta inskribí den Registro Sivil di Kòrsou i tambe Mayor o tutor mester ta inskribí.
  • Yu di un Estranhero ku tin un pèrmit bálido i ta inskribi den Registro Sivil di Korsou;
  • Yu ku ta kai bou di lei di skol obligatorio i ta bishita un Skol di Fundeshi, Skol spesial, SBO, HAVO, VWO- supsidiá dor di gobièrnu (edat 04 pa 18 aña);

Kua dokumentonan mester entregá na momentu di un petishon:

  • Sédula o reibeweis o pasport bálido di mayor o tutor o e persona outorisa ku ta bin hasi petishon;
  • Sédula di yu o papel di òp o buki famia;
  • Deklarashon ku e yu ta inskribi na skol (schoolverklaring) aña 2024-2025 si e yu ta riba 18 aña;
  • Esnan ku tin un entrada bou di sueldo minimo mester trese e deklarashon di entrada di Inspekshon di Belasting
  • Esnan ku tin un entrada bou di sueldo minimo, si tin kuenta koriente di Maduro & Curiel’s Bank ò otro Banko nan lokal, mester trese e number di kuenta, 2 último salarisslip, 3 último “bankstatement”;

Petishon pa sèn pa paña di skol (kledinggeld) por wordu entregá na:

Kasnan di Bario:

Punda/Banda Ariba number di telefòn:          724-5251

Otrobanda/Banda Abou number di telefòn:  724-5253

Sta Maria number di telefòn:                             724-5252

Brievengat number di telefòn:                           724-5254

 

Ultimo dia pa entregá petishon i hasi keho relashoná ku sèn pa paña di skol ta dia 04 oktober 2024.

 

 

Minister di Desaroyo Soshal, Labor i Bienestar

 

Sra. R. Larmonie-Cecilia

 

Minister di Desaroyo Soshal, Labor i Bienestar

 

Sra. R. Larmonie-Cecilia

 

639114718427035"
639114718427035"