KOMUNIKADO DI PRENSA 338/2024
29 yüli 2024

Detenshon relashoná ku plaka falsu

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 28 di yüli 2024, alrededor di 10.14’or personal di warda di polis Punda a detené
e hòmber sospechoso, G.B.J.W. nasé na Kòrsou di 23 aña di edat.
Kontinuando ku e investigashon a resultá ku e hòmber akí a di hinka varios papel di shen
florin falsu den un mashin di un kasino den área di Punda.
Durante di un kontròl riba e hòmber a haña un kantidat di plaka falsu.
Despues e tene un entrada hudisial na su kas den Java straat i einan tambe a haña i konfiská
un kantidat di plaka falsu.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.