KOMUNIKADO DI PRENSA 337/2024
28 yüli 2024

Interior di kas i vehíkulo ta kima

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 27 di yüli 2024 alrededor di 21.48’or, Sentral di Polis a risibí informashon ku na un
apartamento na Boca Gentil, tin un kandela i ku hopi desaroyo di huma.
E unidat polisial ku a yega na e sitio a tuma nota di un kandela parti paden di e kas i ku ya e
interior di e kas tabata kompletamente destruí.
Personal di brantwer a yega rapidamente na e adrès, pero no por a evitá ku un vehíkulo ku
tabata den e garashi pegá ku e kas, tambe a kima kompletamente. Kousa di e kandela aki
no ta konosí.
Personal di reshèrshi ta enkargá ku e investigashon mas leu.