KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Material pa skolnan a yega na tempu

Enseñansa, Siensia, Kultura & Deporte

 

Material pa skolnan a yega na tempu

Publiká riba 31 Yüli 2024

WILLEMSTAD – Minister enkargá ku enseñansa sr. Sithree van Heydoorn a hasi entrega di e promé  bukinan ku a yega pa tur skol pa e aña eskolar 2024/2025 na e skol sekundario Kolegio Alejandro Paula (KAP). Direktor di SIGE ku ta enkargá e pedido di e bukinan sra. Solange Olaria ku e a hasi entrega di forma simbóliko na Minister i Minister a hasi entrega na e direktor interino di Servisio di skolnan Públiko sra. Irelnety Copra kende na mes momentu a hasi entrega na e direktiva di e skol sekundario KAP.

Ministerio di Enseñansa, Siensia, Kultura i Deporte den estrecho koperashon ku SIGE, tur Direktiva di skolnan, Ministerio di Finansa, Explorer BV, Douane Curacao, Caribbean Cargo, PBS, ASWNV i tur e provedor nan a traha huntu i riba petishon di Minister pa e bukinan yega na tempu.

Na mes momentu minister ta informá ku e trayekto di ELK (Enseñansa Liber Kòrsou) aki tin un balor di 5.5 mion i ta forma parti di e 70% di 345 Mion di e presupuesto di Ministerio di ESKD ku ta bai den enseñansa. Minister a enfatisá ku enseñansa ta haña mes un atenshon ku e otro responsabilidatnan ku e tin. Tambe minister a indiká ku huntu ku su ministerio e ta sigui traha riba e maneho pa digitalisá i traha via di e kanal digital. E perspektiva ta pa tur dosente haña un aparato digital promé ku fin di aña i asina por sigui kana riba e ruta digital den enseñansa.

Na final minister Sithree van Heydoorn a gradisí tur e organisashon pa nan esfuerso, i yama e dosentenan ku ta traha i prepará e bukinan pa e alumnonan tur danki pa nan dedikashon i gradisí sra. Selene Balentien, ku ta enkargá ku e trayekto di ELK.

—

639114718427035"
639114718427035"