TESTIMONIO: Apple Watch ta logra gara ladron

Ya komo ainda mi tabata den paña di laman fo’i mainta. M’a pasa kas, dal un baño, fresh up i bai Ward’i Polis Montaña pa lesa e proces verbaal i bolbe urgi e polisnan pa tuma akshon pasó mi ta mira unda e Apple Watch ta.

Pa mi gran sorpresá e agente di mainta a skibi un proces verbaal mesun slap ku su prestashon n’e sitio di krímen. No a hasi notifikashon dje ‘footprint’ at all, i asta tabata tilda mi ku ‘kon mi por kere ku nan lo no kibra den mi outo’.

Afortunadamente atardi dos otro agente a atendé ku mi. Nan a skucha mi ku empatia, analisando e situashon i nan mes tambe a tuma nota ku e proces-verbaal tabata falta informashon. Pa kolmo m’a bai ku mi outo i ku nan propio wowonan por a mira e ‘footprints’ kual nan kolega a bisa ‘ku no ta su trabou pa atendé kuné’.

Atrobe mi Apple Watch ta duna notifikashon. E biaha’ki e ta na Boca Gentil. M’a mustra e agentenan esaki. Mesora nan a aktivá! Bisami kore nan tras, direkshon p’e hotel. Riba Caracasbaaiweg yegando, m’a grita ‘Sh!t!!!

Bayendo pariba e outo ta krusa nos bayendo pabou. Pitando e outo polis mi dilanti, pero nan no ta skucha. Uughhhhh!

Ora nos a yega riba lugá di parker di Boca Gentil m’a notifiká nan ku e outo a kab’i krusa nos. Nan frustrashon tabata opvio. Pero nan a keda trankil i bisa mi bolbe bai Ward’i Polis ku nan pasó nan kolega lo bin pa saka potrèt di e ‘footprints’ i kisas ‘fingerprints’ den mi outo. Ata nos kabes Pariba atrobe.

Ata mi Iphone ta ping atrobe. Nèt nos a kab’i yega Ward’i polis. E biaha’ki mi Apple Watch ta band’i Winston Churchillweg. M’a mustra nan esaki i nan a puntrami: ‘e ta duna e lokashon korekto in real time ?’ Mi di ku nan: “Si! Awo’i bosnan mes por a mira k’e tabata na Boca Gentil i awoki el a kambia. E outo tambe a kab’i krusa nos.’ Sin duda e agente a dunami instrukshon pa laga mi outo para i djòin nan den nan patruya. M’a hòp riba banki patras i nos a dera tròt rumbo pa Sta. Maria.

Riba kaminda el a ‘brief’ su koleganan dje situashon, dunando diskripshon dje outo i den ki bisendario e lo por ta. Despues ku un kara serio pero amabel el a bira bisami: ‘Yùfi, i ta asina’ki nos ta traha!’

Bo no por imaginá bo kon e palabranan di outoridat, konfiansa i pro-aktividat a ponemi sinti. #Kippenvel

Na yegada di Winston Churchillweg, nos a topa ku 2 otro patruya. Mientrastantu m’a pone e mapa riba 2D i agente a tuma mi telefòn. Huntu e agentenan a wak e bisendario i e lokalidat di e Apple Watch riba mi telefòn. I den menos ku 3 minüt, nan a plama kuminsa buska den bario.

E agente polisial femenino ku tabata trai stür a hinka spit drenta Granadaweg. Atrobe mi Iphone ta ‘ping’ i m’a bira wak fo’i bentana, mira e outo parker den kurá di un kas. Nan a tendemi grita: “Ata e outo ei!!’ Mira’ki el a hinka reverse ponemi sinti mane ta na den pelikula di akshon mi ta.

Drenta kurá, Apple Watch ta keda manda señal ku mi ta serka. E doño dje outo a kore bai paden. Nan a yam’é bin pafó i e agente a bisami ‘play e sound’. Mi kurason tabata bati asina duru no. M’a bolbe primi e konòpi. I e biaha’ki si m’a tend’é ta zona. Diripiente m’a mira e agente a saka su kabes fo’i dje outo ku mi Apple Watch den su man! Den baùl a bin topa kèds ku mesun ‘footprints’ di esnan ku tin den mi outo. I e yùfrou doño dje outo por a tuma mi lugá patras den e patruya rumbo pa Ward’i Polis Rio Canario.

Asina’ki ta SIRBI i PROTEHÁ.

Mi gratitut ta inmenso. DANKI Korps Politie Curaçao