Aporte finansiero di ‘Fonds Voor Cultuurparticipatie’ for di hulanda pa produsi show nan online positivo pa komunidat riba Kanal di Youtube TheSpot Curacao.

Bon kabei – kiko esei ta?

 

 

Un talkshow nobo na Papiamentu

 

‘The Spot Curaçao’ ta produsí un talkshow: “bon kabei”. E promé episodio lo ta riba Youtube na septèmber 2024. Den e show host Eunice Goeloe i Jeannine Käser-Lovert ta kombersá tokante e impakto di nos pasado riba e relashon ku nos tin ku nos kabei. Pa eksplorá esaki lo hiba kombersashon ku diferente miembro di komunidat i eksperto, ku ta kompartí nan perspektiva i eksperensia. Tur kombersashon ta tuma lugá na papiamentu.

 

Eunice Goeloe, produktor i host di “bon kabei” ta konta: “Ku 13 aña mi mayornan a straight mi kabei pa promé biaha. Esei a afektá mi auto-estima hopi. Pasó dikon mi kabei no tabata bon manera e ta?”

 

 

Mas ku kabei so

 

E talkshow ta trata e tópiko di kabei, pasó e ta forma un parti importante di nos identidat i nos persepshon di bunitesa. Pero den e diferente episodionan tambe lo toka temátika di historia, kultura, ekonomia, dinámika di género, salú mental i amor propio.

 

Segun Jeannine Käser, sientífiko sosial i host di e programa ‘bon kabei’: “E konteksto sosial na Kòrsou parsemi mashá interesante. Mi tata ta suizo, pero via mi mama, yu di Kòrsou, semper mi a keda ku un konekshon fuerte ku Kòrsou. E kontraste di kultura entre e dos paisnan ta intriga mi.”

 

Jeannine a lanta na Suiza i Eunice na Otrobanda: “A pesar ku nos a krese den un ambiente mashá diferente, nos ta kompartí e mes vishon; kontribuí na habri kaminda pa e siguiente generashon por lanta mas liber.”

 

 

Ban papia

 

Pueblo kompletu ta invitá pa forma parti di e kombersashon. Dia 19 di ougùstùs te 23 di ougùstùs 2024 e tim di ‘bon kabei’ lo ta presente na Kaya Kaya Art Week, i dia 24 di ougùstùs na Kaya Kaya Festival. Nos ta kla pa kombersá ku bo na Belvederestraat 5. Bin kompartí bo punto di bista.

 

Sigui ‘The Spot Curaçao’ riba Youtube i ret sosial pa mas informashon i kòrda mira e episodio nan riba e Youtube. E proyekto kí ta realisá den kolaborashon ku Unidat di Bario Kòrsou, ‘liberá empowered woman’ i ‘Naturals of Curaçao’, ku aporte finansiero di ‘Fonds Voor Cultuurparticipatie’ i ‘DNB Fonds – deelgebied Caribbean, i.s.m. PBCCG’.

 

 

Curaçao, 16.08.2024

 

 

 

 

 

 

 

 

Bon kabei – good hair – what is it?

 

 

A new talkshow in Papiamentu

 

‘The Spot Curaçao’ produces a talkshow: “bon kabei – good hair”. The first episode will be released on Youtube in September 2024. Host Eunice Goeloe and Jeannine Käser-Lovert will talk about the impact of our past on the relationship we have with our hair. To explore this, they will talk with different community members and experts, who will share their perspective and experience. All conversations will take place in Papiamentu.

 

Eunice Goeloe, producer and host of “bon kabei” says: “When I was 13 years old my parents straightened my hair for the first time. This affected my self-esteem a lot. Because why was my hair not good the way it was?”

 

 

More than just hair

 

The talkshow treats the topic of hair because it forms an important part of our identity and our perception of beauty. During the different episodes the topics of history, culture, economy, gender dynamics, mental health and self-love will also be discussed.

 

According to Jeannine Käser, social scientist and host of the show “bon kabei”: “The social context in Curaçao is very interesting to me. My father is Swiss, but through my mother, who is Afro-Curaçaon, I have always had a strong connection with Curaçao. The cultural contrast between the two countries intrigues me.”

 

Jeannine grew up in Switzerland and Eunice in Otrobanda: “Despite growing up in very different environments, we share the same vision; contributing to paving the path for the next generation to grow up more freely.”

 

 

Let’s talk

 

Everybody is invited to form part of the conversation. From August 19th until August 23rd 2024 the “bon kabei” team will be present at Kaya Kaya Art Week and on August 24th at the Kaya Kaya Festival. We are ready to talk to you at Belvederestraat 5. Come and share your point of view.

 

Follow ‘The Spot Curaçao’ on Youtube and social media for more information and remember to watch the episodes on Youtube. This project is being realized in collaboration with Unidat di Bario, liberá empowered woman and Naturals of Curaçao, with financial support from Fonds Voor Cultuurparticipatie and ‘DNB Fonds – deelgebied Caribbean, i.s.m. PBCCG’.

 

 

Curaçao, 16.08.2024