KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kontròl di tráfiko

 

KOMUNIKADO DI PRENSA
29 ougùstùs 2024

Kontròl di tráfiko

370/2024
Djárason 28 di ougùstùs 2024, personal di UST konhuntamente ku personal di wardanan di
polis di Punda, Montaña i Departamentu di Tráfiko a tene kontròl di tráfiko general i dirigí
riba pasamentu den lus kòrá.
E kontròl riba lus kòrá a tuma lugá na entre otro e krusada di Schottegatweg-Noord ku
Snipweg.
A kontrolá 26 vehíkulo i a repartí 19 prosès verbal pa pasamentu den lus kòrá i 1 prosès
verbal pa shofùr di bròmer sin hèlmu.
Na e krusada Winston Churchillweg i F.D. Rooseveltweg polis a duna 5 shofùr ku a pasa den
lus kòrá un prosès verbal.
Durante di e kontròl na F.D. Rooseveltweg, polis a topa ku un duo maskulino di
nashonalidat Jamaikino ku ta kedando ilegal riba nos isla.
A pasa e hòmbernan aki pa Departamento di Imigrashon, mientras ku a konfiská e vehíkulo
den kua nan tabata.
E kontròlnan aki ta kontinuá.

639114718427035"
639114718427035"