Komunikado Kuerpo polisial Kòrsou Kaso di asesinato.

KOMUNIKADO DI PRENSA 436 / 2018
22 òktober 2019
Kaso di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 22 di òktober 2019 alrededor di 14.43’or, Sentral di Polis a risibí yamada di un kaso di tiramentu ku a tuma luga den Ordenansweg i unda tin dos persona heridá.
Na yegada di e unidat nan a bin tuma nota di un dama drumi abou den balkon di un kas, ku herida di bala i ku ya no tabata duna señal di bida.
Mesora a pidi presensia di ambulans na e sitio, ku ya no por a hasi nada mas pa e víktima.
Dokter di polis algun ratu despues a konstatá morto di e dama Dayanira Marcela Angelista Eisden, nase na Kòrsou dia 14 di novèmber 1993.
Di personanan na e sitio, polis a komprondé ku e otro víktima ku a sufri herida na man, lo mester a bai for di e sitio.
Na un establesimentu riba Gosieweg polis a topa ku e víktima aki i ku ambulans el a keda transportá pa poliklínika pa tratamentu médiko.
For di investigashon preliminar ku polis a realisá na e sitio a sali na kla, ku un ratu promé esospechoso a kore yega na e kas den Ordonansweg den un outo i despues di un diskushon kòrtiku ku e tabatin ku e dama ku a fayesé, el a los algun tiru dirigí ku a alkansá ámbos víktima, di kua unu di nan mortal.
Despues di su akto el a hui for di e sitio.
Alrededor di 15.35’or, e hòmber sospechoso H.R. di 46 aña di edat nase na Kòrsou a keda detené den Rancho.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.