Instalashon di dos bui pa mara boto den parke marino
Instalashon di dos bui pa mara boto den parke marino
Willemstad – Dia 31 di ougùstùs 2024 un tim di sambuyadó a instalá dos bui pa mara boto den parke marino parti ariba di kosta Sùit di Kòrsou. E tim aki taba konsistí di seňornan Duvan Rios, Roland de Cuba, Kevin Philbert di CARMABI i Hefe Interino di Departamantu di Maneho di Medio Ambiente i Naturalesa, Faisal Dilrosun di Ministerio di Salubridat, Medio Ambiente i Naturalesa (GMN). Minister enkargá ku Sektor di Agrikultura, Medio Ambiente i Naturalesa di GMN, Seňor Gilmar Pisas tabata presente durante instalashon di e buinan i a kompaňá e sambuyadónan den awa durante instalashon di ámbos bui, mientras Direktor di CARMABI, Sr. Manfred van Veghel tambe tabata tei presente.
Aňa pasá durante un enkuentro ku representantenan di Sektor di Buseo, e representantenan aki a pidi asistensia di parti di Gobièrnu pa kumpra un kantidat di buinan pa mara boto ku ta usa pa mara boto i asina evitá ku botonan mester tira anker i distruí nos koralnan. Komo e buinan aki ta di sumo importansia pa konservá nos biodiversidat marino, Minister Pisas a tuma e inisiativa pa kumpra 60 bui ku su kabuya i asesorionan, ya ku Gòbierniu a keda basta aňa sin kumpra e buinan aki.
E buinan aki ta spesífiko pa botonan ku sambuyá ku turista, pero mèneger di Parke Marino di Carmabi, Sr. Duvan Rios, a splika ku nan ta den proseso pa instalá un kantidat di bui espesialmente pa nos piskadónan den e área ost di Kòrsou.
Ta hasi un yamada na tur negoshi di buseo “diveshop” pa tuma kontakto ku Ministerio di GMN dado kaso ku mester di bui den e área kaminda nan ta sambuyá. Persona di kontakto ta Faisal Dilrosun (e-mail faisal.dilrosun@gobiernu.cw, tel 432-5800).
