Tiroteo na Vlissingen

Durante un tiroteo na Van Dishoeckstraat na Vlissingen tabata tin un herido, un dama di 25 aña di Vlissingen.  Durante e mesun atardi, agentenan polisial na Rotterdam a hasi detenshon di tres hòmber 23, 27 i 30 aña, komo sospechoso den e kasi aki.

Sentral di polis a risibí varios yamada alrededor di 16.30 ku indikashon di un tiroteo den Van Dishoeckstraat. Na e sitio agentenan a enkontrá varios huls di bala i sanger. Den un di e bibiendanan den bisindario agentenan a enkontrá e dama heridá. E viktima mes a duna deklarashon di a keda tirá pa algun hòmber den un vehikulo na momentu ku e tabata pafó. E dama a keda transportá pa hospital mientras ku investigashon a kontinuá. Number di auto di e vehikulo enbolbí a bira konosí i durante di un búskeda a señalá e vehikulo alrededor di 17.50 bayendo direkshon di Rotterdam. E okupantenan a keda detené riba Spinozaweg na Rotterdam. E tres sospechosonan ta detené i investigashon den e kaso aki ta kontinuá. Motibu di e tiroteo no ta konosí.