Promé Minister sr. Gilmar Pisas, huntu ku Minister Sithree van Heydoorn, ta topa ku Selekshon Nashonal di Futbòl di Kòrsou dia 3 di sèptèmber 2024.

Promé Minister sr. Gilmar Pisas, huntu ku Minister Sithree van Heydoorn, ta topa ku Selekshon Nashonal di Futbòl di Kòrsou dia 3 di sèptèmber 2024.
E Selekshon Nashonal di Futbòl di Kòrsou tin un siman importante den kuadro di e Kampeonato di Nations League.
Dianan 6 i 9 di sèptèmber 2024 e ekipo mester hunga respektivamente kontra St. Lucia i Sint Maarten.
Na kaminda pa Grenada nos Selekshon Nashonal a hasi un eskala na Kòrsou.
Promé Minister sr. Pisas i Minister sr. van Heydoorn tabatin e oportunidat di sera konosí ku e dirigentenan tambe.
Entre otro e entrenadó prinsipal sr. Dick Advocaat i Hefe di Prensa sr. Cees Jansma.
Promé Minister sr. Gilmar Pisas a ekspresá su apoyo na e tim i a deseá nan hopi éksito pa e weganan benidero i inspirá nan pa nan logra klasifiká pa Kampeonato Mundial 2026.
E Kampeonato Mundial lo tuma lugá na Canada, Merka i Mexico.
Kòrsou aktualmente ta den Poule B di Nations League Grupo B, huntu ku St. Lucia, Grenada i Sint Maarten.
E ganadó di grupo B, no solamente lo pasa pa Divishon A di Nations League, pero tambe pa e prestigioso kampeonato di Concacaf-Region, konosí komo Gold Cup 2025.