KOMUNIKADO DI PRENSA 388/2024
7 sèptèmber 2024

K.P.C. ta refutá mensahe viral tokante limitashon di duna informashon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial a tuma nota di un mensahe ku ta bayendo viral, indikando ku e kuerpo a
risibí òrdu di gobièrnu pa no duna ningun relato ofisial tokante di entradanan hudisial ku a
tuma lugá djabièrnè dia 6 di sèptèmber 2024. I ku esaki lo ta debí ku Minister di Hustisia i
Minister Presidente ta bishitá un di adrèsnan aki frekuentemente.
Kuerpo Polisial ta refutá kontenido di e mensahe aki, ya ku ningun momentu Kuerpo Polisial
a risibí tal òrdu di ningun minister di e aktual gobièrnu.
Motibu ku a tarda ku publikashon di e kaso aki, ta pasobra ta trata di un kaso di tal
magnitut, ku te ayera nochi, e tim investigativo no tabata kla pa pasa informashon pa e
Departamento di Komunikashon di Polis pa por prosesa esaki den forma di un komunikado
pa prensa.
Mester menshoná ku tabatin medio di komunikashon ku a tuma kontakto ku e
departamento ayera nochi i a risibí informashon preliminar di loke te na e momentu ei, e
departamento tabata disponé di dje.
Kuerpo Polisial ke enfatisá pa medio di e komunikado aki, ku polis tin tur e espasio pa hasi
su trabou den tur libertat sin ku mandatarionan ta limit’é den esaki. Esaki ta enserá ku tur
kaso ta keda atendé di e mesun forma, esta profeshonal, responsabel i a basa di e prinsipio
di igualdat