Motosiklista ku herida di bala

KOMUNIKADO DI PRENSA 389/2024
7 sèptèmber 2024
Motosiklista ku herida di bala
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 7 di sèptèmber 2024 alrededor di 01.12’or, Sentral di polis a risibí informashon ku
un motosiklista lo ta heridá riba Altagrasia A. Delannoy-Willems Blvd.
Mesora a dirgí un unidat na e sitio i na su yegada nan a bin topa un motosiklista banda di su
bròmer. E víktima tabatin un herida di bala na e parti ariba di su pia robes.
El a deklará na polis ku e tabata pará kantu di kaminda ya ku e bròmer tabatin un
desperfekto.
Diripiente el a keda sorprendé pa dos hòmber deskonosí ku a yega den un outo, kita kadena
i sèn for di dje, lòs un tiru riba dje i despues kore bai.
Ambulans a yega na e sitio pa transportá e hòmber, mientras ku a konfiská e bròmer pa
mas investigashon.
