SUBT rumbo pa su di 100 aniversario

 

SUBT rumbo pa su di 100 aniversario

 

Willemstad– Sport Unie Brion Trappers (SUBT) otro aña dia 17 sèptèmber 2025 lo kumpli 100 aña. Pa nos kana yega e fecha aki, djamars awor 17 sèptèmber 2024 na nos 99 aniversario, nos lo ranka sali ku un Santo Sakrifisio di Misa na Parokia La Birgen Altagrasia na Steenrijk di 7or di anochi, kaminda pueblo di Kòrsou kompletu ta invitá. E intenshon ta pa durante e aña ku nos ta bai kana yega nos di 100 aña, tin diferente aktividat pa nos por kana yega 17 sèptèmber 2025.  Pa ku e selebrashon aki, Direktiva a instalá un komishon di selebrashon 100 aniversario, kaminda nan huntu ku direktiva lo kuminsa prepará pa asina organisá diferente aktividat pa selebrá e signifikante shen aña di SUBT.