Kua fundashon lo gana nan parti den e $50,000 ?

 

Promé edishon di Long Table Curaçao

Kua fundashon lo gana nan parti den e $50,000 ?

Komunidat tin ku vota p’e fundashon!

 

WILLEMSTAD – [24 di sèptèmber 2024] – Manera ku ya kaba a keda publiká Wind Creek Curaçao a lansa un kompetensia di video impulsá pa komunidat i eksklusivamente pa organisashonnan karitativo ku sede na Kòrsou. Ganadornan lo wòrdu skohé mediante un proseso di votashon komunitario i lo wòrdu revelá n’e evento Long Table Curaçao. E evento ta programá pa djadumingu, 20 di òktober 2024 na Renaissance Wind Creek Curaçao Resort. Long Table Curaçao ta un evento di un anochi só ku ta kombiná komementu ‘gourmet’ i entretenimentu bibu. Sinembargo awor ta bin e parti mas importante; partisipashon di  komunidat pa saka e fundashon ganadó ku lo risibí nan parti di e premio di $50,000.

 

Long Table Curaçao ta primintí di trese famia, amigunan, i huéspetnan di e resort huntu pa un anochi inolvidabel dediká na ‘duna bèk’. ‘Long Table’ lo konta ku un mesa magnífiko pa 400 persona, kreando un eksperensia impreshonante pa un sena bou di streanan pafó di Wind Creek Curaçao Resort.

 

Komunidat tin ku vota:

Komunidat por vota riba e página https://windcreek.com/curacao/long-table/video-contest

pa e fundashon ku mihó a mustra su mishon, e hendenan ku nan ta sirbi, e impakto riba komunidat i kon e fondonan di e premio lo wòrdu usá/òf benefisiá e fundashon. Votashon di públiko lo tuma lugá te ku 10 di òktober 2024. Ganadónan lo wòrdu anunsiá durante Long Table Curaçao dia 20 di òktober 2024. Entradanan di Long Table Curaçao i e kontribushon generoso di Wind Creek Curaçao lo sòru pa $50,000 wòrdu repartí entre e organisashonnan ganadó. Tin algun karchi mas disponibel na balor di $55 pa persona. Pa haña sa mas tokante e evento di Long Table Curaçao i e kompetensia di video, por bishitá https://windcreek.com/curacao/long-table.