KUERPO POLISIAL KÒRSOU KOMUNIKADO DI PRENSA
26 sèptèmber 2024

Kaso di tiramentu ku herido

422/2024
Djaweps 26 di sèptèmber 2024 alrededor di 01.18’or, Sentral di Polis a dirigí unidatnan di
polis pa Kaya Boko, pa un kaso di tiramentu.
For di investigashon ku polis a hasi na e sitio, a komprondé ku e víktima tabata den un
vehíkulo huntu ku dos amigu, na momentu ku nan a tuma nota di dos bròmer ku a krusa
nan dilanti.
Despues e shofùrnan di e bròmernan akí a hasi señal ku nan pa para, keriendo ku ta nan
konosí, siendo ku esaki no ta e kaso.
Na momentu ku nan a para, un di e okupanténan di bròmer a kuminsá los tirunan dirigí riba
nan pa despues kore bai.
Despues e víktima i su amigunan a kore bai for di e sitio i na un distansia el a ripará ku el a
risibí tiru na altura di su hep.
Despues nan a kontinuá direktamente pa Sala di Emergensia di C.M.C. pa tratamentu
mèdiko.
Na e sitio polis a haña i konfiská algun kashi di bala.