A sera akohida pa mucha ku efekto inmediato
A sera akohida pa mucha ku efekto inmediato
25 sep 2024
Durante e último añanan na vários okashon doño di e akohida pa mucha a keda sin implementá e mehorashonnan nesesario dentro di e términonan stipulá.
Riba konseho di Inspekshon di Enseñansa, entidat públiko Boneiru a disidí pa sera e akohida pa mucha ‘Happy Kids, Happy Days’, pa motibu di peliger agudo pa siguridat i salú di e muchanan. Durante e último añanan na vários okashon doño di e akohida pa mucha a keda sin implementá e mehorashonnan nesesario dentro di e términonan stipulá.
Remarkabel ta ku aña pasá entidat públiko Boneiru a sera e mesun akohida pa mucha akí un biaha kaba pa motibunan komparabel.
Pa informá tur mayor di akohida pa mucha ‘Happy Kids, Happy Days’ kompletamente, entidat públiko Boneiru ta hasi un yamada na tur mayor pa ta presente na e anochi di informashon riba djárason 25 di sèptèmber 2024 pa 17:00 or, na Direktorado di Komunidat i Kuido na Kaya Neerlandia 41.
Entretantu e muchanan ta haña akohida temporalmente na otro akohidanan pa mucha ku ta dispuesto pa yuda. ‘FrontOffice Kinderopvang’ ta intermediá den e traspaso akí.
Mayornan ku tin pregunta por tuma kontakto ku e siguiente persona di kontakto:
Jessica Maduro 9.00 or – 12.00 or i 14.00 or – 16.00 or 7775312
