KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Markamentu di Don Martina Boulevard ta sigui den diferente fase

Tráfiko, Transporte i Planifikashon Urbano

 

Markamentu di Don Martina Boulevard ta sigui den diferente fase

Publiká riba 27 Sèptèmber 2024

Willemstad – Minister Charles Cooper huntu ku Servisio pa Obra Públiko (OW) ta informá ku for di riba 26 di sèptèmber 2024, a sigui ku trabounan di markamentu di kaminda riba Don Martina Boulevard. E trabounan lo tuma lugá den diferente fase i ta enserá marka e kayanan resientemente asfaltá. Kada fase lo tin su durashon.
Durante promé fase i di dos fase lo marka solamente na e krusadanan di Don Martina Boulevard esta na altura di Erieweg, Dokweg i Schottegatweg Oost na e lusnan di tráfiko.
Durante e di tres  i di kuater fase ta marka Don Martina Boulevard i henter e kaya for di Schottegatweg Oost krusada Erieweg te ku Biesheuvel.
Kontratista Aliansa Civil & Roadworks ta enkargá ku ehekushon di e trabou aki i orario di trabou lo ta parti anochi.
Durante ehekushon di e trabounan kaya lo ta será pa tráfiko, esei ta nifiká ku outomobilistanan, habitante i negoshinan den e área aki lo no por hasi uso di e kareteranan menshoná ku eksepshon di  servisionan di emergensia. Lo krea un ruta alternativo guiá pa barínan oraño i bòrchinan.
Minister Charles Cooper i OW ta hasi un apelashon na tur outomobilista pa kore ku koutela.
639114718427035"
639114718427035"