KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kuerpo Polisial ta kumpli 75 aña

 

KUERPO POLISIAL KÒRSOU

KOMUNIKADO DI PRENSA
30 sèptèmber 2024

Kuerpo Polisial ta kumpli 75 aña

427/2024
Kuerpo Polisial ta kumpli 75 aña di eksistensia dia promé di òktober 2024. Dia promé di
òktober 1949, tres kuerpo kualnan ta ‘Korps Militaire Politietroepen’, ‘Korps Burgerpolitie’ i
‘Korps Veldwachters’, a integrá den un kuerpo nobo, esta Korps Politie Nederlandse
Antillen.
Dos di e motibunan prinsipal pa esaki, tabata e echo ku no por a sigui laga militarnan hasi e
trabounan polisial i ademas ku 500 persona, no tabata responsabel pa a manehá un kuerpo
polisial.
Durante aña Kuerpo Polisial di Antiya Hulandes a konosé diferente desaroyo i a pasa den
basta eksperensi, ku a kondusí na kambionan ku mester a hiba e organisashon na un nivel,
kaminda e por a kumpli ku e nesesidatnan di e siudadano, brindando e mihó servisio i
protekshon.
Na 10-10-10, Kuerpo Polisial di Antiya tambe a stòp di eksisití i e islanan BES, Kòrsou i St.
Maarten a kontinuá ku nan propio kuerpo, pero dunando sosten na otro ora esei ta rekerí.
Relashoná ku e 75 aña di eksistensia aki, Kuerpo Polisial ta invitá pueblo di Kòrsou na un
Santu Sakrifisio di misa djamars dia promé di òktober 2024 pa 9’or di mainta na misa di
Suffisant.
Despues lo parti un salú pa esnan presente na e kas parokial den e kurá di misa.
En bista ku riba e dia aki ta selebrá dia di grandinan, minister di hustisia huntu ku maneho di
kuerpo lo hiba bolo na kuater (4) kas di grandinan, pa asina huntu konmemorá e fecha aki.

639114718427035"
639114718427035"