PINK-MAS den Curaçao Airport Dome FRENNA ku su banda na Kòrsou dia 26 di desèmber

PINK-MAS den Curaçao Airport Dome

FRENNA ku su banda na Kòrsou dia 26 di desèmber

 

WILLEMSTAD: KJ74 Entertainment ta anunsiá ku Frenna lo ta na Kòrsou riba di dos dia di Pasku. Ta antisipá un públiko grandi konsistiendo di bishitantenan for di eksterior, fanátikonan lokal i ulandesnan residensia riba nos isla.  Frenna su albùm nobo Pink Summer resientemente a drenta na promé lugá den Top 100 riba listanan musikal na Ulanda; e ta skor su di sinku number 1 riba e lista. Den pasado ya kaba Frenna a logra yega na promé lugá den Top 100 ku su albùm Francis na 2018, (11 siman na 1),  i a ripití e rekòrt aki na 2020. Tur dos álbum a wòrdu premiá ku platina; Francis te asta ku sinku biaha platina.

 

PINK-MAS na Kòrsou:

Frenna su albùm nobo Pink Summer ta kontené 13 kansion, inkluyendo éksitonan “Pretty Girls” i “Paparazzi”, mas e single nobo “Girls Wanna Have Fun”. Kontribushonnan di otro artistanan na e albùm ta bini di e.o Dopebwoy.  Na Kòrsou, Frenna ta masha gustá pa tantu públiko lokal i europeo- esaki ta ademas ku Frenna mes ta enkantá ku Kòrsou. Dikon PINK-MAS; tur show di Frenna e aña aki tabata asentuá p’e kolo ‘pink’ (ros), aki na Kòrsou lo ta meskos. Por te asta kuminsá inspirá fanátikonan ku e dresscode ‘Urban Chic Pink’.

 

KJ74 Entertainment ta konfirmá presentashon di Frenna ku su banda djaweps dia 26 di desèmber próksimo na Curaçao Airport Dome den PINK-MAS. E show na Kòrsou ta bini nèt despues ku Frenna kaba di presentá den Ziggo Dome kompletamente sold-out na Amsterdam. Importante menshoná ku 7Fest tambe tabata sold-out! PINK-MAS na Kòrsou ta koroná e éksito abrumador di Frenna den 2024 ku e mega-hit  “PrettyGirls” i e albùm Pink Summer. Karchinan ta sali na benta mesora na TicketPoint (Zeelandia) i riba pinkmascuracao.com i frenna.nl