KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

PROMÉ MINISTER SR. GILMAR PISAS A REUNÍ KU PROME MINISTER DI SINT MAARTEN

 

 

Willemstad – Dia 27 di sèptèmber último Promé Minister di Kòrsou, sr. Gilmar Pisas, a reuní ku Promé Minister di Sint Maarten sr. Luc Mercelina.

 

Promé Minister sr. Mercelina tabata kompañá pa su konsehero sr. Stuart Johnson i Promé Minister sr. Pisas tabata kompañá pa su hefe di Kabinet, sr. Djurick Comenentia, konseheronan srs. Caryl Monte i Miguel Jackson,  i sra. Roxiene Albertina.

 

Durante di e reunion aki e mandatarionan a elaborá riba algun tópiko ku ta di mutuo interes pa ámbos pais, manera entre otro resolushon di ENNIA, Winair, introdukshon di florin Karibense nobo na 2025 dor di Banko Sentral di Kòrsou i Sint Maarten, GEBE, formashon di e Gobièrnu nobo na Sint Maarten i elekshon pa Staten di Kòrsou na 2025.

 

Riba e tópiko di resolushon di ENNIA, Promé Minister Mercelina a indiká ku gobièrnu di Sint Maarten pronto lo finalisá e trayekto importante aki ku aprobashon di Parlamento di Sint Maarten, un ke otro konforme e palabrashon nan hasi riba nivel tékniko. Tambe a palabra ku e dos gobièrnunan lo sigui den diálogo ku otro tokante e posibilidat pa amplia buelonan di Winair pa Kòrsou i konektá Kòrsou ku mas destinashonnan ku Winair ta kubri den área di Karibe.

 

Den kuadro di e retonan di Sint Maarten pa ku suministro di koriente, Minister Pisas a ofresé ayudo tékniko di Kòrsou na Sint Maarten pa yuda resolvé e problemanan ku GEBE ta konfrontando.

 

Finalmente, ámbos promé Minister a indiká ku nan ta dispuesto pa traha huntu riba proyektonan ku ta di mutuo interes pa Sint Maarten i Kòrsou.

 

639114718427035"
639114718427035"