KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Detektor di Huma; Lag’e Funshoná pa Bo!

WILLEMSTAD – For di djadumingu 6 te djasabra 12 di òktober 2024, Kuerpo di Brantwer
Kòrsou ta pone atenshon na e Siman di Prevenshon kontra Kandela, ku e meta pa konsientisá
públiko riba peliger di kandela den kas. Den kuadro di e siman aki, ku ta tin un importansia
vital pa protehá bida, e bomberonan lo bishitá diferente bario i lo repartí detektor di huma pa
yuda prevení aksidente trágiko.
Lamentablemente na aña 2023, Kòrsou a sera e aña ku un total di 7 persona ku a pèrdè nan
bida durante di un kandela. Esaki mes a duna empuhe na Brantwer su departamentu di
Prevenshon pa bolbe inisiá ku charlanan informativo den barionan pa konsientisá nos
hendenan riba prevenshon di kandela. Djárason 9 di òktober, Brantwer lo ta 6or di atardi na
Sentro di Bario Seru Papaya (Seru Fortuna) pa duna informashon relashoná ku prevenshon di
kandela, I tambe lo tin oportunidat pa hendenan di e bario por risibí un detector di huma grátis
serka Brantwer Kòrsou. Riba djabièrnè 11 di òktober, e eksperto lo splika kiko hende por hasi
pa prevení kandela den kas, i kon un detektor di huma por salba bida na e área di Banda Bou,
na Kolegio Ellis Juliana/Sheila Karel, na momentu ku nan lo ta 6or di atardi na e skol aki
tambe, pa duna informashon relashoná ku kandela I su prevenshon.
Un detektor di huma, por salba bo bida, I ta p’esei, e aña aki, Brantwer su departamentu di
Prevenshon a skohé e lema: Detektor di Huma; Lag’é funshoná pa Bo!. Un detektor di huma
por duna un alarma den un fase inisial kual ta duna tempu pa sali for di kas, i evitá tragedia.
Ku esaki, nos ta invitá tur hende pa asistí e charla informativo i tuma parti na e esfuerso pa
protehá bida i propiedat di kandela.

 

639114718427035"
639114718427035"