KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dos detenshon pa maltrato

 

KOMUNIKADO DI PRENSA 441/2024
13 òktober 2024

Dos detenshon pa maltrato

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 13 di òktober 2024 alrededor di 13.40’or, a tuma lugá un insidente na
aeropuerto Hato, na momentu ku dos hòmber a agredí dos personal di Imigrashon, na
momentu ku nan tabata ehersé nan funshon.
Un di e hòmbernan aki ku a yega for di eksterior a falta ku regla dor di pasa bou di e faha ku
ta forma e fila dilanti di e balinan di Imigrashon.
Na momentu ku esun enkargá ku guia na Imigrashon a atendé e hòmber riba su
komportashon, el a agredí e empleado físikamente.
Un otro hòmber ku tambe tabata mas dilanti den fila, a bai mete den e asuntu i a agredí un
otro empleado di Imigrashon ku a bin sali na yudansa di su kolega ku a bira víktima di
violensia.
Mesora e dos hòmbernan aki, S.M.B. di 19 aña di edat i R.A.W. di 43 aña di edat, ámbos
nasé na Kòrsou a keda detené pa maltrato.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.

639114718427035"
639114718427035"