YDK ta presentá “Mesun Lugá”

 

 

YDK ta presentá “Mesun Lugá”

Un kolaborashon ku Sabana Sound feat. Devi Dev, Dongo i Slim Benett

 

 

WILLEMSTAD: Djaweps último riba 10-10 YDK a duna inisio na un proyekto nobo kaminda ku ta pone mas atenshon rib’e kultura i movementu di YDK. Ta hasi esaki -musikalmente- entre otro dor di kolaborá ku diferente artista yu di Kòrsou manera Dongo, Devi Dev, Slim Bennet i tambe Sabana Sound. E idea  tras di e kansion “Mesun Lugá” ta ku kada un di nos tin un historia propio, kada hende a lanta di un otro manera, i por diferensiá sinembargo nos tur ta bin di e ‘mesun lugá’. Den e kansion artistanan YDK ta konta kada un, un fragmento di bida real pa huntu hasi totalidat di e kansion.

 

Sabana Sound ta un grupo di produktor yu di Kòrsou residensiá na Hulanda ku a bin ta sobresalí grandemente pa nan estilo di krea músika i nan kolaborashon ku diferente artista. Nan a keda enkargá ku e kansion “Mesun Lugá” i a pèrkurá pa realisá e kolaborashon fantástiko aki ku ta kapta ‘bida real’ den 3 minüt di músika puru. E berdadero YDK ta biba den outentisidat di su isla- esaki ta loke ta hasi YDK Clothing tambe asina atraktivo.

 

“Mesun Lugá” ta optenibel riba Youtube i tur otro ‘streaming platform’. Tambe, por pidi e kansion na bo radio emisora faborito. E kansion ta krea un sentido di pertenensia, na unda ku nos tin mas en komun, ku loke ta separá nos. YDK Clothing ta un marka sin barera, ku su raisnan ankrá den union, empoderamentu i kurashi di ekspreshon.

 

—–