E bos outéntiko di Las Chicas Del Can: Miriam Cruz i Orkesta na Landhuis Brakkeput Mei Mei dia 26 di òktober

E bos outéntiko di Las Chicas Del Can:

Miriam Cruz i Orkesta na Landhuis Brakkeput Mei Mei dia 26 di òktober

 

WILLEMSTAD:  Miriam Cruz, e Diva di Merengue i é bos outéntiko di Las Chicas del Can lo ta na Kòrsou dia 26 di òktober próksimo pa un fiesta bailable den Landhuis Brakkeput Mei Mei. Edishon #2 di Sabrosura  lo presentá klásikonan di merengue i dékada 80/90. Riba e anochi di 26 di òktober ERA i ICONS tambe lo tei! Un kombinashon madurá, pa un fiesta dediká n’e fanátiko ku ta deseá di baila henter anochi.  E kombinashon di Miriam Cruz y Orquesta, ERA i ICONS a keda masha bon risibí pa e públiko bailadó ku ta deseá algu diferente i Landhuis Brakkeput Mei Mei ta un sitio ideal p’e kombinashon aki.  KJ74 Entertainment a te asta risibí reservashon pa mesa i karchi for di fanátikonan den region. Pa informashon di mesa por yama +5999 696-9237 i pa karchinan den grupo di 10 persona òf mas- por WhatsApp +5999 698-1111.

 

E paréntesis di e anochi definitivamente lo ta Miriam Cruz ku lo ta na Kòrsou despues di kasi 30 aña ku henter su banda konsistiendo di 14 músiko kantando i tokando tur su hitnan di Las Chicas Del Can i mas! Resientemente Miriam Cruz tabata na Aruba tambe kual presentashon a konta ku un yeno total! Aktualmente Miriam ta riba un gira di presentashon den Latinoamérika den kual e’la bin ta duna diferente presentashon sold-out i Kòrsou lo no ta eksepshon.

 

Miriam Cruz ta e ‘Chica Del Can’ ku mas éksito esun ku mas a destaká mundialmente. Tur éksito i klásikonan fei ten’ di Las Chicas del Can i dékada 80/90 lo zona riba e anochi aki. Pensa riba; Saminaminá, Culeca, El Negro no puede, Sukaina, La Loba, Cosas de El, Besos Callejero, Juana La Cubana i muchu mas. Karchinan ta na benta na TicketPoint Zeelandia, Mensing’s Caminada, i 24 Uur Uit De Muur. Karchinan di Fl. 35 ta sold-out, awor tur karchi general ta na balor di Fl. 45 pa despues bira Fl. 55. Pa sosionan di ACU tin un oferta spesial riba karchinan general. Karchinan VIP Single e sekshon mas gusta, ta aktualmente 100 florin pa despues bira Fl. 125. Ban baila, gosa i selebrá bida dia 26 di òktober ku Miriam Cruz y Orquesta, ERA i ICONS den Landhuis Brakkeput Mei Mei.