Na Memoria di Eddy Joseph

 

WILLEMSTAD — Direktiva di AMAK a tuma nota ku un gran baluarte musikal di  nos farándula a bai sosegá.  Den e kaso aki nos ta referí na e gran bahista Eddy Jopseph, mihó konosi komo Eddy  Duim.

Eddy ta kontá e den e músikonan grandi ku a militá den añanan 50, 60 i 70 tokando bass pa diferente agrupashon musikal manera Conjuntos Los Alas del Casino i después Sonora Tropical di kual e tabata e direktor musikal.

Tabata tin otro agrupashonnan musikal ku Eddy a militá den dje, E apodo artístiko ku ela haña ta pa motibu di un téknika ku e tabata toka su baho akústiko. Eddy Joseph tabata un músiko dissipliná, pero tambe ku un karakter ehemplar

Eddy a konosé e époka di oro di nos farandula, kaminda agrupashonnan musikal tabata biaha ku regularidat entre otro pa Venezuela i e tabata forma parti tambe di diferente agrupashon musikal ku a kompañá kantantenan internashonal konosí.

Nos ta desea famia di Eddy Joseph hopi forsa na e momentunan difísil aki ku pèrdida di nan ser kerí i nos ta sigur ku lo e por gosa di un felisidat eterno den Reino di Señor. Ku su alma sosegá na pas.

 

Direktiva di AMAK