Hit & Run den kaya Kaya Maria C. Hellmund-Boom
Kralendijk Bonaire, Djasabra 26 di òktober, alrededor di 3:30 or di mardugá, un ‘hit and run’ a tuma lugá riba Kaya Maria C. Hellmund-Boom na altura di un establesimentu di hóreka. Un vehíkulo a alkansá dos peaton i a sigui kore. Ambos persona a resultá heridá i ambulans a transportá nan pa hòspital pa tratamentu médiko. Algun ratu despues, un patruya a topa ku e vehíkulo enbolbí den e ‘hit and run’ na Kaya Essequibo. Alrededor di 4.20 or di mardugá, a detené e shofùr, un dama di inisial J.A.C.S. di 24 aña di edat en konekshon ku e kaso aki. Investigashon den e kaso ta kontinuá.
