CAP ku donashon na enseñansa

WILLEMSTAD – Resientemente minister enkargá ku enseñansa sr. Sithree van Heydoorn tabata presente na Curaçao Airport Partners (CAP) na momentu ku a hasi entrega ofishal di 20 iPads ku nan ‘cover’ na skol di fundeshi Elis Juliana/Sheila Karel. A la bes minister tabata tei komo testigu di e bunita momentu kaminda a lansa e trayekto di práktika speshal pa alumnonan di Juan P. Duarte VSBO/AGO. Durante di e trayekto aki alumno nan di e skol ta haña oportunidat di bai traha na CAP. Nan ta keda guiá pa skol su dosentenan i pa e práktika pa e profeshonalnan di CAP mes.

E trayektonan aki ta keda finansiá pa CAP ku ta duna bèk na komunidat den forma di Corporate Social Responsability (CSR). Minister ta sumamente kontentu ku e donashon nan aki kaminda komo kompania privá ta invertí i duna bèk den nos enseñansa. Minister a yama CAP un danki di kurason.
—
KOMUNIKASHON

*Riba e potrèt nan por tuma nota di Minister di ESKD sr. Sithree van Heydoorn, Hefe di Servisio di Skolnan Públiko sra. N.Leona, kabes di skolnan i tambe e direktor di CAP sr. Johnny Anderson.

Donashon di CAP na Enseñansa