GLAS SKUR

Ministerio di Tráfiko, Transporte i Planifikashon Urbano

Dia 14 sèptèmber 2022, pa medio di dekreto gubernamental #2022/110, Gobièrnu a introdusí un kambio den e lei di tráfiko pa definí un asina yamá ‘lichtdoorlaatbaarheidsnorm’ di bentananan di banda dilanti di un vehíkulo.
Servisio pa Tráfiko i Transporte (UOVV) ta enfatisá ku e kambio di lei aki no ta konta pa ‘windshield’! Ta prohibí pa plak material pa tent riba ‘windshield’. Esaki ta pa por garantisá e visibilidat máksimo di e shòfùr. Esaki ta konta tambe pa Transporte Públiko.
Konformé e kambio di e lei aki, UOVV ta midi tur bentana dilanti ku tin tent material riba dje pa verifiká ku esaki ta kumplí ku e lei, kual ta un norma di mínimo 35% di penetrashon di lus.
Por hasi petishon ‘online’ pa dispensashon pa tent riba ‘windshield’. Sòrú pa bo tin tur dokumento nesesario riba e ‘checklist’, i yena bo petishon digital den un frega di wowo. Tené kuenta ku tur dokumento mester ta den formato di PDF.
Mantené bo mes na regla i hasi e petishon pa evitá problema.
Bishitá http://www.vvrp.cw pa mas informashon!