KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fiesta di Pasku ku VivaKids Recycleband den Kaya Katara

Willemstad- E grupo musikal VivaKids Recycleband ta eksistí ya pa ocho (8) aña kaba, ku
diferente hit ku a bin ta deleitá grandi i chikí. Instrumèntnan di material resiklá por toka dushi
kantikanan di pasku i fin di aña tambe. Pues riba djasabra, 21 di desèmber próksimo, e
muchanan di VivaKids tei pone un ambiente di kita sombré den Teatro Habaai ku un dushi
musikalshow di Pasku.
Karchinan pa e konsierto akí ya ta optenibel na balor di fls. 35 serka tur e integrantenan di
VivaKids òf dor di yama/ whatsapp na +5999 511-8202 òf +5999 522-0444.
E proyekto di VivaKids Recycleband a kuminsá i ketubai ta un proyekto grátis kaminda nos
muchanan ta bini huntu na Atelier Omar Sling na Seru Fortuna tur djasabra i huntu siña toka
kanta i resiklá. Tabatin muchanan ku a pasa den e proyekto di Vivakids durante e último ocho
añanan, ku awe orguyosamente nos por mira ku a bira mucha grandi i sigui desaroyá nan
talentonan den diferente otro área.
Vivakids Recycleband lo ke sigui krese i sigui invertí den nos muchanan i huntu ku esaki tambe,
na e futuro di Kòrsou. Pa hasi esaki, nos ke invitá un i tur pa djòin nos durante di e konsierto di
pasku akí ku henter famia. E kosierto akí lo ta un fundraising di e banda musikal VivaKids. Pues
ku bo partisipashon nos por sigurá ku lo bo pasa tremendo i alabes planta un simia balioso den
un proyekto pa nos muchanan.
Subi e página di Facebook di VivaKids RecycleBand libremente, òf tuma kontakto ku nos pa bo
karachi(nan) òf mas informashon.

 

639114718427035"
639114718427035"