KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Playa Kenepa Chikí ta haña bañonan nobo

Playa Kenepa Chikí ta haña bañonan nobo

Willemstad –  Ministero di Salubridat, Medio Ambiente i Naturalesa ta partisipá ku entrante dia 29 di òktober 2024 lo kuminsá ku konstrukshon di bañonan nobo na Playa di Kenepa Chikí. E playa públiko di Kenepa Chikí ta hopi bishitá dor di ámbos hende lokal i turista, pero no tin fasilidat di baño lokual naturalmente ta kousa situashonnan fèrfelu.

Pa mehorá e servisio na komunidat i sektor turístiko Ministerio di GMN a tuma e inisiativa pa traha bañonan nobo parti pabou di e playa. Despues di pasa den e proseso di diseño, destaho i yega na e pèrmit di konstrukshon (Bouwvergunning), awor ta kuminsá ku e konstrukshon. Segun planifikashon e konstrukshon lo tuma aproksimadamente 9 siman pa e kontratista kaba e trabou.

Ministerio di GMN ta hasi tur posibel pa minimalisá molèster pa bishitantenan di e playa i ta dikulpá su mes pa kualkier inkumbiniensha ku e trabounan di konstrukshon por trese kuné.

 

639114718427035"
639114718427035"