White Coat Ceremony na Sint Martinus University

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn tabata presente na e “White Coat Ceremony” di Sint Matinus University. Durante di e seremonia e studiantenan ku a graduá komo dòkter tur a hasi nan promesa den presensia di Minister di ESKD sr. Sithree van Heydoorn, Minister di Tráfiko, Transporte i Planifikashon Urbano sr. Charles Cooper i Minister di Salubridat, Medio Ambiente i Naturalesa sr. Javier Silvania.

E representantenan di e Universidat Sint Martinus University a duna e ministernan presente un rekorido chikí i hopi interesante den e oulanan di fakultat di medisina di e universidat. Durante di e bunita seremonia e graduado nan a bisti na bachi blanku di forma ofishal ku ta simbolisá e momento ku nan ta kuminsá na karera komo médiko.

Minister di Enseñansa, Siensia Kultura i Deporte sr. Sithree van Heydoorn a felisitá e studiantenan i a la bes a deseá nan éksito den nan karera profeshonal.

*Riba e potrètnan athunto por tuma nota di e seremonia

—