Proyekto: Di Kaya pa Stadion

Enseñansa, Siensia, Kultura & Deporte
Proyekto: Di Kaya pa Stadion
Publiká riba 31 Òktober 2024
WILLEMSTAD – Resientemente Minister enkargá ku deporte sr. Sithree van Heydoorn tabata presente na e lansamentu di e proyekto ‘van Straat naar Stadium’, di kaya pa Stadion di e Fundashon Bincentini Kòrsou. E proyekto ta un sosial special na nos hóbennan di den barionan di Kòrsou.
E meta di e proyekto ta pa: promové koheshon sosial den barionan di Kòrsou, envolvimentu di mayornan den e proyekto, limitá obesidat bou di hóbennan bou di edat di 16 aña, influensia di forma positivamente e estilo di bida di e muchanan aki, stimulashon di desaroyo di talento di hóbennan te ku 16 aña na Curaçao i siña i enfatisá norma i balornan bou di hóbennan. Tur esakinan ta promové un mihó kalidat di bida ku ta kita nos hóbennan for di hasi kos robes riba kaya i hiba nan den stadion kaminda na por profilá i desaroyá nan talento. Asina huntu e fundashon ta traha riba un mihó siudadania den nos pais Kòrsou.
Minister di ESKD sr. Sithree van Heydoorn a keda sumamente kontentu ku e proyekto aki i deseá e organisashon tur klase di éksito ku e proyekto.
**riba e potrètnan por tuma nota di e lansamentu di e proyekto: di kaya pa Stadion
Fundashon Bicentini
