Seramentu di negoshi dor di servisio di impuesto: E sentido i nesesidat
Siman pasá Servisio di Impuesto a anunsiá ku lo e bai hiba un maneho mas severo pa ku
empresarionan ku di forma struktural no ta kumpli ku nan obligashonnan fiskal. I riba djabièrnè 1 di
novèmber efektivamente Servisio di Impuesto a sera un establesimentu di horeca. Por lo demas,
no ta e promé biaha ku Servisio di Impuesto ta apliká e medida severo aki. Mirando e reakshonnan
miksto den komunidat riba e medida aki, ta bon pa splika na ki momentu Servisio di Impuesto ta
prosedé pa “seramentu di negoshi’ i kiko ta e meta di e medida aki.
Fin di òktober 2024, e archivo di kobransa di Servisio di Impuesto tabata konsistí di 116,661 debe
di impuesto, ku ta totalisá un debe di 3.3 miar florin. Pa pone esaki den konteksto: E entrada total
di impuesto i primanan di seguro sosial durante 2023 tabata un tiki mas ku 2 miar florin. Pues e
debe nominal di impuesto aparentemente ta mas ku 150% di e entrada anual di impuesto i
primanan. Internashonalmente, un máksimo di 40% di impuesto atrasá ta konsiderá komo ‘good
practice’. Ounke e montante di 3.3 miar florin no ta representá e debe real di impuesto, e echo ta
keda ku sigur algun sentenares di mion di e montante habrí por wòrdu kobrá ainda. Loke ta mas
preokupante ainda ta, sin embargo, ku e debenan di impuesto a bolbe subi despues di e limpiesa
di e archivo di kobransa ku a tuma lugá na yanüari 2023 (aanslagnan di 2017 i mas bieu), di 2.7 miar
florin pa 3.3 miar florin. E saldo habrí di omzetbelasting atrasá a oumentá ku 76 mion florin for di
yanüari 2023. Loonbelasting i primanan sosial atrasá tambe a subi ku kasi 70 mion florin. Tabatin
kondishonnan mará na e ahuste di e maneho di kobransa ku a tuma lugá na yanüari 2023
(aanslagnan di 2017 i mas bieu), entre otro, e kondishon ku e archivo di kobransa no tabatin mag di
krese atrobe. Pero, meskos ku tin personanan i empresarionan ku ta sigui tira sushi na lugánan no
permití, tin tambe personanan i empresarionan ku ta sigui ninga di paga e impuestonan ku nan
debe. E último grupo aki ta e grupo ku awor aki Servisio di Impuesto ta trata severamente. Servisio
di Impuesto a hasi un promé selekshon di 30 empresa ku strukturalmente no ta paga e
omzetbelasting ku nan debe. E grupo di 30 empresanan aki (algun biaha ta trata di e mesun
empresario) tin un debe total di 26.1 mion florin, variando di 70.000 florin te 2.2 mion florin pa
empresa. Un gran parti di e grupo di empresarionan aki no a paga omzetbelasting òf a hasi apenas
1 òf 2 pago durante 2024, miéntras nan tin debenan konsiderabel habrí. Dor di no kumpli ku nan
obligashonnan fiskal na tempu, nan debenan di impuesto ta sigui krese.
Esaki ta kontribuí pa e archivo di kobransa tambe sigui krese. Pa duna un indikashon: Den e
selekshon di 30 empresanan tin un restorant ku for di febrüari 2015 (!) no a paga omzetbelasting i
ku a akumulá un debe di mas ku 700.000 florin. Tin tambe un empresa di outo ku último biaha ku el
a paga omzetbelasting ta na mart 2015 (!) i ku a akumulá un debe di 1.2 mion florin. E selekshon ta
konsistí di varios establesimentu di horeca ku durante varios aña no a kumpli ku nan obligashonnan
fiskal, i ku no a kambia nan komportashon di pago apesar di varios medida di kobransa ku a tuma
pa forsa nan paga.
Un empresario ku no paga e omzetbelasting ku e debe, primeramente ta risibí un aanslag, despues
e ta risibí un karta di kobransa i despues un deurwaarder ta emití un karta pa obligá e kliente pa
paga. Si ainda e pago no tuma lugá e deurwaarder ta pone beslag. Despues di ponementu di
beslag, e empresario tin ainda 2 luna di oportunidat pa yega na un akuerdo ku Servisio di Impuesto
pa un areglo di pago inkluyendo un pago inisial (aanbetaling) riba e debe habrí. E pago inisial ta
importante ya ku eksperensia ta mustra ku varios empresario ta sera un areglo di pago pa prevení
ku despues di e ponementu di beslag un destaho públiko ta tuma lugá, pero despues di 1 luna nan
ta stòp di paga i tampoko ta kumpli ku nan obligashonnan fiskal na tempu. Esaki ta pone ku e debe
habrí ta sigui subi. E montante di e pago inisial ta wòrdu determiná dor di a kobradó responsabel a
base di e sirkunstansianan, i ta kontené mínimo 2 òf 3 luna di e obligashonnan fiskal koriente. Esaki
ta sirbi komo garantia pa e debe di impuesto no ta sigui subi.
E seramentu temporal di empresa manera awor apliká pa Servisio di Impuesto, ta tuma lugá
despues di un ponementu di beslag ku a tuma lugá anteriormente, i kòrtiku promé ku un destaho
di ehekushon tuma lugá realmente. Esaki ta un último atvertensia na e empresario pa e drenta un
areglo di pago ku Servisio di Impuesto, pasobra di otro manera lo prosedé ku un destaho di
ehekushon. Den kasonan anterior kaminda a apliká e maneho aki, empresarionan a skohe pa
finalmente yega na un areglo di pago ku Servisio di Impuesto, i tin biaha e empresanan aki por a
habri bèk e mesun dia. Pa kompletá informashon, ta importante pa remarká ku e debe di e
empresa no ta disparsé despues ku e destaho di ehekushon tuma lugá. Pero tin kaso ku por hasi e
direktor di e empresa personalmente responsabel pa e debe akumulá. Pues, apsolutamente no ta
asina ku despues di un destaho di ehekushon un kuminsamentu fresku por tuma lugá. E guia di
kobransa di Servisio di Impuesto ta ofresé un posibilidat pa saneamentu di debe di impuesto
akumulá si un empresario kumpli ku su obligashonnan fiskal koriente na tempu durante 48 luna, i
tambe si durante e periodo e paga e debe akumulá na máksimo nivel di su kapasidat. E ora ei por
konsiderá e saldo restante pafó di kobransa.
Un biaha mas ta enfatisá ku no ta asina asina Servisio di Impuesto ta tuma e desishon pa sera un
empresa. Ademas esaki ta spesialmente pa prevení un destaho di ehekushon. E areglo ku ta sera
ku e empresario ta dependé di e debe ku a akumulá i e gravedat di e situashon. Servisio di
Impuesto tin un responsabilidat sosial pa kobra impuestonan i primanan habrí i tambe pa sigurá ku
empresarionan, entre otro, por kompetí di forma hustu. Kada empresario mester kontribuí na e
kaha di gobièrnu konforme e leinan fiskal ku ta aplikabel pa tur hende, pa asina sigurá ku gobièrnu
por proveé den e nesesidatnan públiko.
Winkelsluiting door Belastingdienst: Nut en Noodzaak
Vorige week heeft de belastingdienst aangekondigd een hardere aanpak te gaan hanteren voor
ondernemers die hun fiscale verplichtingen structureel niet nakomen. Op vrijdag 1 november is
ook daadwerkelijk een horecagelegenheid gesloten. Het is overigens niet de eerste keer dat de
belastingdienst deze harde maatregel inzet. Gezien de gemengde reacties van het publiek op
deze maatregel is het goed om uit te leggen wanneer de belastingdienst tot ‘winkelsluiting’ over
gaat en wat het doel is van deze maatregel.
Het invorderingsbestand van de belastingdienst bestaat ultimo oktober 2024 uit 116.661
belastingschuldigen met een totale schuld van NAf 3,3 miljard. Om dit in de context te plaatsen:
De totale opbrengsten uit hoofde van belastingen en premies sociale verzekeringen bedroeg over
2023 net iets meer dan NAf 2 miljard. De openstaande nominale belastingschuld bedraagt dus
ruim 150% van de jaarlijkse belasting- en premieopbrengsten. Internationaal wordt een maximum
van 40% aan achterstallige belastingen als ‘good practice’ beschouwd. Hoewel het bedrag van
NAf 3,3 miljard geen reëele belastingschuld vertegenwoordigt, blijft het feit dat zeker enkele
honderden miljoenen van het openstaande bedrag alsnog kunnen worden ingevorderd.
Zorgwekkender is echter dat de belastingschulden sinds de opschoning van het
invorderingsbestand in januari 2023 (aanslagen 2017 en ouder) weer zijn toegenomen van NAf 2,7
miljard tot NAf 3,3 miljard. Het openstaande saldo aan achterstallige omzetbelasting is sinds januari
2023 met NAf 76 miljoen toegenomen. Achterstallige loonbelasting en premies zijn tevens met
zo’n NAf 70 miljoen toegenomen. Aan de aanpassing van het invorderingsbeleid in januari 2023
(aanslagen 2017 en ouder) waren voorwaarden verbonden, waaronder de voorwaarde dat het
invorderingsbestand niet weer in omvang mocht toenemen. Maar evenals dat er personen en
ondernemers zijn die afval blijven dumpen op plaatsen waar het niet is toegestaan, zijn er ook
personen en ondernemers die blijven volharden in het niet betalen van de verschuldigde
belastingen. Die laatste groep is de groep die nu door de belastingdienst hard wordt aangepakt.
De belastingdienst heeft een eerste selectie gemaakt van 30 ondernemingen die structureel de
verschuldigde omzetbelasting niet afdragen. Deze groep van 30 ondernemingen (soms van
dezelfde ondernemer) heeft een totale schuld van NAf 26,1 miljoen variërend van NAf 70.000 tot
NAf 2,2 miljoen per onderneming.
Persbericht – Vanuit het Ministerie van Financiën
Een groot deel van deze groep ondernemers heeft gedurende 2024 in het geheel nog geen OB
afgedragen of heeft in 2024 slechts 1 of 2 betalingen gedaan terwijl reeds aanzienlijke schulden
open staan. Door het niet bijhouden van deze ‘lopende fiscale verplichtingen’ loopt de
belastingschuld steeds verder op wat bijdraagt aan de groei van het invorderingsbestand. Om een
indicatie te geven: In de selectie van 30 ondernemingen zit een restaurant welke sinds februari
2015 (!) geen OB heeft afgedragen en een schuld van ruim NAf 700.000 heeft opgebouwd. En
tevens een autobedrijf welke in maart 2015 (!) voor het laatst OB heeft afgedragen en een schuld
van NAf 1,2 miljoen heeft opgebouwd. De selectie bevat diverse horecagelegenheden die
meerdere jaren de fiscale verplichtingen niet zijn nagekomen en hun gedrag niet aanpassen
ondanks diverse dwanginvorderingsmaatregelen.
Een ondernemer die de verschuldigde OB niet afdraagt ontvangt eerst een aanslag, vervolgens
een aanmaning en daarna wordt door de deurwaarder een dwangschrift betekend. Als betaling
alsnog uitblijft wordt door de deurwaarder beslag gelegd. Na de beslaglegging heeft de
ondernemer nog steeds zo’n 2 maanden de gelegenheid om met de belastingdienst tot
overeenstemming te komen over een betalingsregeling alsmede een aanbetaling op de
openstaande schuld. De aanbetaling is van belang omdat uit ervaring blijkt dat diverse
ondernemers een betalingsregeling sluiten om te voorkomen dat het na de beslaglegging tot een
openbare veiling komt, maar vervolgens na 1 maand stoppen met betalen en tevens hun lopende
fiscale verplichtingen niet bijhouden waardoor de openstaande schuld weer verder oploopt. De
hoogte van de aanbetaling wordt afhankelijk van de omstandigheden door de verantwoordelijke
invorderaar bepaald en bedraagt minimaal 2 of 3 maanden aan lopende fiscale verplichtingen
welke dient als waarborg dat de belastingschuld niet verder oploopt.
De tijdelijke sluiting van de onderneming zoals deze nu wordt toegepast door de belastingdienst,
vindt plaats na een eerdere beslaglegging en kort voordat de daadwerkelijke executie veiling
plaatsvindt. Het is een laatste signaal aan de ondernemer dat deze een regeling moet treffen met
de belastingdienst omdat anders tot executoriale veiling wordt overgegaan. In eerdere gevallen
waar dit beleid is toegepast hebben ondernemers ervoor gekozen om alsnog een regeling te
treffen met de belastingdienst waarna de onderneming, soms dezelfde dag nog, weer kon worden
geopend. Volledigheidshalve dient nog te worden opgemerkt dat bij een executoriale veiling de
schuld van de onderneming niet verdwijnt, maar dat de bestuurder van de onderneming
persoonlijk aansprakelijk kan worden gesteld voor de opgebouwde schuld.
Persbericht – Vanuit het Ministerie van Financiën
Er is dus absoluut geen sprake van dat na een executoriale veiling weer met een schone lei kan
worden begonnen. De invorderingsrichtlijnen van de belastingdienst voorzien in een
saneringsmogelijkheid van opgebouwde belastingschulden indien een ondernemer gedurende 48
maanden zijn lopende fiscale verplichtingen bijhoudt en tevens gedurende deze periode maximaal
aflost op de opgebouwde schuld. Het resterende bedrag kan dan buiten invordering worden
gesteld.
Nogmaals wordt benadrukt dat door de belastingdienst niet lichtzinnig tot sluiting van een
onderneming wordt overgegaan, en tevens dat dit juist is bedoeld om een executoriale veiling te
voorkomen. De regeling die met de ondernemer wordt getroffen is maatwerk en mede afhankelijk
van de hoogte van de opgebouwde schuld en de ernst van de situatie. De belastingdienst heeft
een maatschappelijke verantwoordelijkheid om de verschuldigde belastingen en premies te innen
en er tevens voor te zorgen dat ondernemers op een eerlijke wijze met elkaar kunnen concurreren.
Elke ondernemer dient conform de fiscale wetten die voor iedereen gelden, een bijdrage te
leveren aan de Landskas om ervoor te zorgen dat de regering kan voorzien in de publieke
behoeften
