KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon relashoná ku maltrato i destrukshon

 

 

KUERPO POLISIAL KÒRSOU

KOMUNIKADO DI PRENSA

6 novèmber 2024

Detenshon relashoná ku maltrato i destrukshon

473/2024

Djárason 6 di novèmber 2024 alrededor di 08.08’or, Sentral di Polis a dirigí un unidat pa
Watakeliweg pa un kaso di maltrato i destrukshon.
Na yegada di e unidat, el a konstatá un dama ku tabata maltratá.
E víktima a deklará na polis ku un ratu promé su èks pareha ku tabatin òrdu pa no bini den
área di su kas, a destruí un porta, drenta paden i maltrat’é.
Kontinuando ku e investigashon polis a detené e hòmber L.E.G.B. di 47 aña di edat nasé na
Colombia pa e maltrato i destrukshon ariba menshoná.
Detenshon di e hòmber aki a tuma lugá na warda di polis Montaña.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

639114718427035"
639114718427035"