Komunikado di Kuerpo Polisial Kòrsou: Aksidente di tráfiko ku dos morto

 

 

 

KUERPO POLISIAL KÒRSOU

KOMUNIKADO DI PRENSA 436/2025

17 novèmber 2025

Aksidente di tráfiko ku dos morto

Djaluna 17 di novèmber 2025 alrededor di 19.36’or, Sentral di Polis a risibí

notifikaskon ku tin un aksidente di tráfiko ku a kaba di tuma lugá riba

Sta. Rosaweg den área di Landhuis Bloemhof i ku tin dos persona gravemente

heridá.

Mesora a dirigí un unidat na e sítio. Na yegada di e unidat, el a topa ku un hòmber shofùr i un dama okupante, di kua ámbos no tabata duna señal di bida.

For di investigashon preliminar a sali na kla, ku shofùr di e vehíkulo ku tabata kore riba Sta. Rosaweg den direkshon di Schottegatweg-Oost, pa un motibu òf otro a pèrdé kontròl riba su stür i a bai dal kontrá di un palu di mata.

Ambulans a yega rápido na e sitio pero no por a hasi nada mas pa e víktimanan.

Dòkter di polis a konstatá morto di e okupantenan di e outo di famia.

Personal di Departamentu di Tráfiko ta enkargá ku e investigashon.