Intento di atrako riba joyeria

KOMUNIKADO DI PRENSA 475/2024
10 novèmber 2024
Intento di atrako riba joyeria
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 9 di novèmber 2024 alrededor di 09.26’or, Sentral di Polis a risibí yamada di un
kaso di atrako ku tabata tumando lugá na un joyeria riba Handelskade.
Mesora a dirigí unidatnan na e sitio i for di investigashon preliminar, polis a komprondé ku
un ratu promé, dos hòmber a yega riba un skuter i ku un opheto un di nan a kibra e glas
dilanti di e negoshi.
Afortunadamente e malechornan no a bai ku ningun merkansía.
Na e sitio polis a konfiská un machete ku a keda tras, ku posiblemente lo ta pertenensia di e
sospechosonan.
Diferente unidat a buska e hòmbernan aki den besindario i riba indikashon di personanan
ku tabata den serkania i ku a mira den ki direkshon na a hui, pero sin resultado.
Investigashon den e kaso aki ta kontinuá.
