Kòrsou a risibí 53.234 turista di estadia na òktober 2024 / Curaçao welcomed 53,234 stayover visitors in October 2024
Kòrsou a risibí 53.234 turista di estadia na òktober 2024
WILLEMSTAD – 14 di novèmber 2024 – Ofisina di Turismo di Kòrsou (CTB) ta kontentu pa anunsiá kresementu kontinuo den kantidat di turista di estadia. Kòrsou a registrá un kresementu sólido di 11% den kantidat di bishitante kompará ku òktober 2023 registrando 5.419 turista di estadia adishonal. Total 53.234 turista di estadia a keda risibí na òktober 2024.
E periodo di ‘Herfstvakantie’ a kontribuí signifikantemente na e kresementu aki, prinsipalmente for di Hulanda, kual ta Kòrsou su merkado prinsipal, kaminda un kambio notabel den e demografia di turistanan a inkluí mas famia ku yu. Djabièrnè i djasabra tabata den luna di òktober e dos dianan di siman riba kua mas tantu turista a yega nos pais. Kada un di e dianan aki, a kontribuí signifikantemente na e total di turistanan ku a yega Kòrsou ku avion.
Prestashon tòp 3 merkadonan na òktober
Hulanda: Un kantidat di 20.114 turista di estadia hulandes a keda registrá na òktober, demostrando un kresementu di 16% kompará ku 17.395 turista di estadia registrá na òktober 2023. Mayoria turista hulandes (55%) a opta pa un otro opshon di akomodashon ku no ta resort, miéntras e 45% a skohe pa keda na un resort hotel. Turistanan hulandes a keda un promedio di 10.7 anochi durante nan bishita.
Estádos Unídos: Estádos Unídos ta sigui ta un merkado fuerte pa Kòrsou, ku un oumento di 20% yegando un total di 12.544 bishitante na òktober 2024, kompará ku 10.483 risibí e mesun luna na aña pasá. Mayoria turista merikano (74%) a skohe pa resort hotels, miéntras 26% a opta pa otro opshon di akomodashon. Turistanan prosedente di Estádos Unídos a keda un promedio di 5.8 anochi riba Kòrsou, miéntras mayoria tabata prosedente di New York, Florida, New Jersey, Texas i Georgia.
Colombia: E merkado di Colombia a registrá un subida di 11% na òktober 2024, yegando na un total di 3.914 turista kompará ku e 3.525 risibí na òktober 2023. Turistanan prosedente di Colombia a keda un promedio di 5.8 anochi riba nos pais, kaminda 52% a skohe pa un resort hotel.
Resúmen di aña te ku awor durante 2024
Kòrsou su industria di turismo ta mustra stabilidat sólido den 2024, ku un enfoke stratégiko pa keda konsistente den akshonnan di promoshon den e merkadonan prinsipal. E kresementu aki ta resaltá e éksito di Kòrsou den krea demanda dor di mustra tur loke nos tin di ofresé pa bin “Sinti’é pa bo mes” (Feel It For Yourself).
Te ku awor Kòrsou a risibí 566.827 turista di estadia, 23.730 day trippers, 627.395 turista krusero, yamando bon biní na un total di 1.217.952 turista di yanüari pa òktober 2024, kual ta 23% kresementu kompará ku e mesun periodo na aña pasá.
Curaçao welcomed 53,234 stayover visitors in October 2024
WILLEMSTAD – November 14, 2024 – The Curaçao Tourist Board is pleased to report a continued increase in stayover arrivals. The island experienced a solid 11% rise in arrivals compared to October 2023, welcoming an additional 5,419 stayover visitors. In total, Curaçao welcomed 53,234 stayover visitors in October 2024.
The fall break contributed significantly to this increase, particularly from Curaçao’s main market, the Netherlands, where notable shift in visitor demographics included more families with children. Fridays and Saturdays were the busiest arrival days of the week in October, with each day contributing a significant portion of the total tourist arrivals by air.
Top 3 Source Markets in October
The Netherlands: Curaçao welcomed 20,114 visitors from the Netherlands, a 16% increase compared to 17,395 arrivals in October 2023. Most Dutch visitors (55%) chose non-resort accommodations, while 45% stayed at resorts. On average, Dutch visitors stayed for 10.7 nights during their visit.
United States of America: The USA remains a key market for Curaçao, with a 20% increase in arrivals, reaching 12,544 visitors in October 2024, up from 10,483 in the same month last year. Most American visitors (74%) preferred resort hotels, while 26% opted for other types of accommodations. On average, visitors from the USA stayed for 5.8 nights, with most travelers coming from New York, Florida, New Jersey, Texas, and Georgia.
Colombia: Visitor numbers from Colombia surged by 11% in October 2024, totaling 3,914 arrivals compared to 3,525 in October 2023. Colombian visitors stayed an average of 5.8 nights, with 52% choosing to stay in resort hotels.
Year to date highlights of 2024
Curaçao’s tourism industry shows solid stability in 2024, with the strategic effort to stay consistent in creating awareness in its main markets of focus. This growth highlights the island’s success in creating demand by showing its offerings to come “Feel it for yourself”.
So far Curaçao welcomed 566,827 stayover arrivals, 23,730 day-trippers and 627,395 cruise passengers, welcoming a total of 1,217,952 arrivals from January through October 2024, a 23% increase compared to the same period last year.
