Kiebro den kas ku tres detenshon (video)

KUERPO POLISIAL KÒRSOU
KOMUNIKADO DI PRENSA
21 novèmber 2024
Kiebro den kas ku tres detenshon
496/2024
Djaweps 21 di novèmber 2024 alrededor di 13.20’or, Sentral di Polis a risibí yamada di
ladronisia ku ta tumando lugá den un kas den Elmesstraat.
Mesora a dirigí unidat na e sitio.
Na e adrès e unidat a komprondé ku un ratu promé dos hòmber a baha bai den e kas, di kua
habitantenan no tabata na kas. E otro a keda sintá den outo.
Polis a konstatá ku e porta dilanti di e kas tabata forsá.
Un unidat polisial djis despues a tuma nota di e vehíkulo di e sospechosonan, di kua su
deskripshon a keda duna dor di Sentral di Polis, den área di Koraalspecht.
Na momentu ku e shofùr a tuma nota ku e ta wòrdu sigui dor di polis, el a hisa velosidat i
bin aksidentá djis despues kontra un palu di lus den Kaya Shers na altura di S.D.K.K.
Seguidamente e tres okupantenan a baha for di e vehíkulo i hui na pia den mondi.
Polis a rondoná e mondi i despues di un búskeda kòrtiku, a logra detené en hòmbernan
S.R.H.F, S.J.D. i S.G.F. di respektivamente 20, 28 i 24 aña di edat, tur tres nasé na Kòrsou.
A presentá tur tres dilanti di un fiskal ouksiliar ku a ordená nan enkarselamentu pendiente
di mas investigashon, mientras ku a konfiská e vehíkulo tambe.
Kuerpo Polisial ke yama danki pa e koperashon ku el a risibí di su diferente partnernan den
seguridat i S.D.K.K. ku ta riba e kanal di Magnolia ku a aktivá i a yuda hasi posibel ku por a
pone man rapidamente riba e sospechosonan aki.

